आज कालोपट्टि बाँधेर देशभर मौन धर्ना
काठमाडौं, ३० जेठ । औषधिको मूल्य निर्धारण तथा समायोजन गर्न बनेको समितिको प्रतिवेदन विरुद्ध औषधि क्षेत्रका संघसंस्थाहरुले आन्दोलन गरेका छन्।
औषधिका सम्पूर्ण सरोकारवालालाई बेवास्ता गर्दै एकतर्फी रूपमा मन्त्रालयलाई समेत भ्रममा पारेर प्रतिवेदन पेश गरिएको भन्दै उनीहरूले आन्दोलन गरेका छन् ।
आज ऊनीहरुले देशभर मौन धर्ना तथा कालोपट्टि बाधेर विरोध जनाएका छन् ।
सरकारले कुनै चासो नदेखाएपछि उनीहरू आन्दोलनमा जान बाध्य भएका हुन्।
नेपाल औषधि उत्पादक संघ (एपोन), नेपाल औषधि व्यवसायिक संघ(एनसीडिए), नेपाल चिकित्सक संघ (एनएमए), आयातकर्ता संघ, औषधि थोक व्यवसायी संघ, प्राइभेट अस्पताल संघ (अफिन), आयुर्वेद औषधि उत्पादक संघ, पशुपंक्षी औषधि व्यवसायी संघ, रसायन तथा मेडिकल आपूर्ति संघ नेपाल र पशु चिकित्सक संघ लगायतले संयुक्त रुपमा आन्दोलन सुरू गरेका हुन्।
संघसंस्थाहरूले काठमाडौँस्थित औषधि व्यवस्था विभाग, बिराटनगर, बिरगञ्ज र नेपालगञ्जस्थित विभागका शाखा कार्यालयहरूमा मुखमा कालो पट्टी बाँधेर मौन धर्ना थालेका छन् ।
उनीहरूले प्रतिवेदन यथास्थितिमा लागू भए औषधिको आपूर्ति संकट आउने, गुणस्तरहीन औषधिको प्रवाह बढ्ने र सम्पूर्ण औषधि उद्योग धराशायी हुने खतरा रहेको चेतावनी दिएका छन्।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)