मानव बस्तीमा  पशुहरु 
दुधे बालिकालाई  बलात्कार गरिरहेका छन!
आखा निकालेर,
जिब्रो  काटेर ,
शरीरभरि  पत्तीले  छिया- छिया पारेर 
बोरामा पोको  पारेर  फालिरहेका छन् !
राज्य  भन्छ  कानुन  नै  छैन 
बलात्कारीलाई  फासीको  सजाय  दिन  मिल्दैन !

विचारमा सहमत  नहुदा 
सामाजिक  संजाल रंगिरहेका छन् 
बलात्कार गर्ने हो  त्यसलाई 
भनिरहेका छन् 
भेडाहरु  थपिरहेका छन् -
`हो- हो  त्यसलाई त  बलात्कार  गर्ने हो  ´
पोथी भएर पनि 
धेरै किन बास्नु परेको!
छोरी हुनेका  बाबु आमा  भन्दै छन् 
बलात्कार दुरुत्साहन मुद्दामा फासि सजायको  ब्यबस्था गर  सरकार 
एउटा जमात भन्छ गरेको त  छैन!
राज्य  भन्छ कानुन नै  छैन 
दुरुत्साहन गर्नेलाई  त  केहि  गर्नै  मिल्दैन !

उ  बलात्कार  गर्दै  थियो 
केहि  पशुहरु  भनिरहेका  थिए-` गर्न  देउ´!
छोटा लुगा  किन  लगाउनु परेको !
रात- बिरात घर  बाहिर 
एक्लै किन   हिड्नु परेको !

बलात्कार एउटा छोरीको  भन्दा बढी
सभ्यता ,सुरक्षा र संस्कारको  भएको  छ 
नाबालकको  मनमा यस्तो पाप   कसरी  पलाएको छ ?
यस्तो घृणित कार्यमा  
उसको  मनोबल कसरी बढदै   गएको छ  ?
१६ बर्ष नपुग्दै बलात्कार गर्ने 
निच  सोच कसरी  जन्मिएको छ  ?

बलात्कार गरेपनि 
छोरीलाई  ज्युदै छाडिदिनु भन्दै बिन्ती गर्दै छन् 
बा-आमा हरु!
उ  भन्छ 
तिम्रो  छोरीको  यौन शोषणले मात्र पुग्दैन !
उनैको  रगतले  नुहाउन पर्छ चोख्याउन!
बा-आमा  भन्दै छन्  फासीको  ब्यबस्था गर सरकार !
राज्य भन्छ  कानुन  नै  छैन 
बलात्कारिलाई  फासीको  सजाय  गर्न  मिल्दैन !

कानुन नै  नभएको कि  
नबनाएको?
उसलाई बलात्कार गरेर  अर्काको छोरी  हत्या  गर्ने छुट कसले  दियो ?
छोरालाई संस्कार दिने  बा- आमाले ?
नैतिक शिक्षा दिने स्कुलले ?
नाबालिक भन्दै ढाक छोप गर्ने समाजले ?
अतिरन्जना गर्ने  सामाजिक संजालले ?
ब्लु फिल्ममा  देखाउने  भल्गर दृश्यले ?

बलात्कारपछि  ज्युदो छोरी  भेट्न मुस्किल छ !
भेटिएका ज्युदा छोरीलाई 
समाजमा  फेरि  बाच्न मुस्किल छ !
उनैको  चरीत्रमा  शंका गर्ने 
घर, परिवार अनि  समाज!
बलात्कारको प्रमाण माग्ने न्यायाधीश!
तुच्छ प्रश्नहरु सोध्ने प्रणाली !
जाबो बलात्कार त  भएको  हो नि  भन्दै  छ  एउटा  जमात !
अनि  राज्य भन्दै छ 
कानुन नै छैन
बलात्कारीलाई फासीको  सजाय  दिन  मिल्दैन !

गरिमा, निर्मला पन्त अनि  इनिशा बि क  हरु  सोध्दै छन् 
त्यसोभए  कानुन  कहिले  बन्छ ?
के  कानुन बन्न अब  
कानुन  बनाउने कै  छोरीहरु 
बलात्कृत हुनु पर्ने  हो ?
मानव बस्तीमा पशुहरु 
दुधे बालिकालाई बलात्कार गरिरहेका छन् 
बीभत्स हत्या  गरेर  फालिरहेका छन् 
राज्य भन्छ  कानुन नै  छैन!
बलात्कारीलाई फासीको  सजाय  दिन  मिल्दैन !