हेल्दीखबर
हेल्दीखबर
अर्घाखाँची, २७ वैशाख । अर्घाखाँचीमा आगलागीमा परेर घाइते भएका ४ जनाको मृत्यु भएको छ ।
अर्घाखाँची भूमिका स्थान नगरपालिका २ तिरतिरे खोला किनारको जङ्गलमा मङ्गलवार लागेको आगो गाउँमा पसेर घरमा आगलागी हुँदा आगो निभाउने क्रममा सख्त घाइते भएका ५ जनामध्ये ४ जनाको उपचारको क्रममा बुधवार अस्पतालमा मृत्यु भएको हो ।
जिल्ला प्रहरी कार्यालय अर्घाखाँची प्रमुख मुकुन्द रिजालले दिनुभएको जानकारी अनुसार मृत्यु हुनेमा ५५ वर्षीय पदम बेल्वासे, ७२ वर्षीय पीताम्बर बेल्वासे, ३६ वर्षीय माधव बेल्वासे र ५२ वर्षीय घनश्याम बेल्वासे हुनुहुन्छ । घाइते मध्ये २६ वर्षीया अस्मिता बेल्वासेको पाल्पा मिसन अस्पतालमा उपचार भइरहेको छ । अस्मिताको पनि अवस्था खतरा अवस्थामा रहेको जनाइएको छ ।
पाल्पामा पनि उपचार हुन नसकेपछि थप उपचारका लागि काठमाडौँ लैजाने क्रममा गए राति १० बजेतिर पदम र पीताम्बरको मृत्यु भएको हो। प्रहरी निरीक्षक कृष्णप्रसाद घिमिरेले थप उपचारका लागि काठमाडौँको कीर्तिपुर जलन अस्पतालमा लगिएकामध्ये माधव र घनश्यामको बुधवार काठमाडौँमा निधन भएको प्रहरीको भनाइ छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend