अछाम, १४ पुस । बोयलर कुखुराको मासु खाँदा अछाममा १५ वर्षीय किशोरको मृत्यु भएको छ ।
मृत्यु हुनेमा कमलबजार नगरपालिका –३ बयलाका निवासी कमल विक रहेका छन् । एकै परिवारका तीन जना गम्भीर बिरामी परेका छन् ।
मृतकका बज्यै ७० वर्षीया नाम विक, बहिनी १४ वर्षीया सीता विक र नौ वर्षीय विकास विक बिरामी परेका छन् ।
अछाम प्रहरीका अनुसार बिरामीको जिल्ला अस्पताल मंगलसेनमा उपचार भइरहेको छ ।
गाउँनजिक रहेको बेलखेत बजारबाट मरेको बोइलर कुखुरा कमलले ल्याएर शुक्रबार बेलुकी खाएपछि बिरामी भएर कमलको मृत्यु भएको हो ।
अन्य तीन जना गम्भीर बिरामी परेका छन् ।
वडा अध्यक्ष नन्दसिंह कुँवरले शुक्रबार मरेको बोयलर कुखुरा ल्याएर खाएको जानकारी दिए ।
मृतकका बुवा आमा र जेठो भाइ रोजगारीका क्रममा भारतमा रहेका छन् ।
अछाम प्रहरी प्रमुख प्रहरी नायब उपरीक्षक ईश्वरीप्रसाद भण्डारीले घटनाका बारेमा थप अनुसन्धान भइरहेको जानकारी दिए । मृतकको शव पोष्टमार्टमका लागि सदरमुकाम मंगलसेन ल्याइएको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)