हेल्दीखबर
हेल्दीखबर
काठमाडौंँ, २४ पुस । शिक्षा, विज्ञान तथा प्रविधिमन्त्री अशोककुमार राईले काठमाडौँ मेडिकल कलेजबाट निलम्बित डा. विशद दाहालको निलम्बन तत्काल फिर्ता गर्न निर्देशन दिएका छन्।
मन्त्री राईले काठमाडौँ विश्वविद्यालयका उपकुलपतिलाई आज पत्र पठाउँदै निलम्बित विद्यार्थी डा. दाहालको निलम्बन तत्काल फिर्ता गर्न निर्देशन दिएका हुन्।
डा. दाहाल पोष्ट ग्रेजुएट तह रेसिडेन्स दोस्रो बर्षका विद्यार्थी हुन् ।
‘काठमाडौँ विश्वविद्यालयको सहकुलपतिका हैसियतले डा. दाहालको निलम्बन तत्काल फिर्ता गरी कलेजमा स्वस्थ शैक्षिक वातावरण तयार गर्न गराउन काठमाडौँ विश्वविद्यालय ऐन २०४८ को दफा १३ क उपदफा (३) वमोजिम निर्देशन दिएको छु,’ पत्रमा भनिएको छ ।
उनलाई काठमाडौँको गैह्रीगाउँस्थित सुकुम्बासी बस्तीमा आयोजना गरिएको निशुल्क स्वास्थ्य शिविरमा खटाइएकोमा त्यहाँ सहभागी नभएको भन्दै कलेजले निलम्बन गरेको हो ।
डा. दाहालले रेसिडेन्ट डाक्टरले पालना गर्नु पर्ने कर्तव्य र अनुशासनको उल्लंघन गरेको भन्दै कलेजले गत १२ पुस देखि लागू हुने गरी पीजी कार्यक्रमका कुनै पनि गतिविधिहरुमा सहभागी हुन नपाउने गरी एक महिनासम्मका लागि निलम्बन गरेको थियो ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend