हेल्दीखबर
हेल्दीखबर
नेपालगन्ज, १४ कात्तिक । बाँकेको नरैनापुर गाउँपालिका मलेरियाको उच्च जोखिममा रहेको छ ।
उक्त गाउँपालिकाका अधिकांश स्थानीय भारतमा किनमेल गर्न जाने तथा आवतजावत पनि बढी हुनेभएकोले मलेरियाको उच्च जोखिममा रहेको हो ।
बाँकेको नरैनापुर भारतीय सिमानासँग जोडिएको गाउँपालिका हो । भारतमा मलेरिया लागेका व्यक्ति सिधै नरैनापुरमा आउने गर्दछन् ।
नरैनापुर गाउँपालिकाका अध्यक्ष इश्तियाक अहमद साहले भारतसंग खुला सिमाना भएको कारणले गर्दा मलेरियाको जोखिम कायमै रहेको जानकारी दिए । भारतबाट मानिसहरु निर्बाध आउनेजाने गर्दछन्,साहले भने,“विगतका रिपोर्टले पनि नरैनापुर गाउँपालिका मलेरियाको उच्च जोखिममा रहेको छ ।”
उनले गत केही वर्ष यता गाउँपालिकामा हरेक वर्ष लगातार मलेरियाका बिरामी भेटिने गरेको बताए ।
नरैनापुर गाउँपालिकाका स्वास्थ्य शाखा प्रमुख नगेन्द्रकुमार साहले गत आर्थिक वर्षमा चार हजार ३८४ जनाको मलेरिया परीक्षणका क्रममा १०२ जनामा मलेरिया पुष्टि भएको जानकारी दिए । उनले गत वर्षको तथ्याङ्क अनुसार पनि नरैनापुर मलेरियाको उच्च जोखिममा रहेको बताए ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend