भाइटीकाको दिन भाइको अन्त्येष्टि गर्नुपर्दा .....

भाइटीकाको तयारी गरिरहँदा भाइको डुबेर मृत्यु

बुधबार, कात्तिक ५ २०८२

बुधबार, कात्तिक ५ २०८२

रुकुमपश्चिम, ५ कात्तिक । रुकुमपश्चिमको मुसीकोट नगरपालिका ४ सोलाबाङका एक युवकको खोलामा डुबेर मृत्यु भएको छ ।

दिदीभाइबिचको बिशेष वर्ष भाइटीकाको अघिल्लो दिन यस्तो घटना भएको हो ।

भाइटीकाको तयारी गरिरहेका बेला दिदिबहिनीहरु भाइको निधनले विक्षिप्त भएका छन् ।

स्थानीय कपिलदेव शर्माका १९ वर्षीय छोरा केदार शर्माको बुधबार बेलुका मृत्यु भएको हो ।

उहाँका नातेदार सुर्यप्रकाश शर्माले मुसीकोट नगरपालिका ४ कै मुग्लुखोलामा पौडी खेल्ने क्रममा शर्माको डुबेर मृत्यु भएको जानकारी दिनुभयो ।

उहाँका अनुसार केदार घरका एक मात्र छोरा हुनुहुन्छ । कक्षा १२ मा अध्ययनरत उहाँ तिहार मनाउन काठमाडौबाट आउनुभएको थियो । उहाँका तीन दिदीबहिनी हुनुहुन्छ ।

शर्माको शव जिल्ला अस्पताल सल्लेमा पोष्टमार्टम गरेर घरमा ल्याइएको छ । भाइटीकाकै दिन उहाँको अन्त्येष्टि हुने बताइएको छ ।

साताको लोकप्रीय

रसुवामा आकस्मिक उपचारका लागि ट्रमा सेन्टरको थप टोली