काठमाडौँ, २४ असोज । नेपाल नर्सिङ संघले नर्सलाई न्यूनतम पारिश्रमिक लगायतका सेवा सुविधा यथाशीघ्र उपलब्ध गराउन माग गरेको छ ।
संघले स्वास्थ्य तथा जनसङ्ख्या मन्त्रालयको परिपत्र अनुसार नर्सलाई न्यूनतम पारिश्रमिक लगायतका सेवा सुविधा यथाशीघ्र उपलब्ध गराउन सम्पूर्ण सरोकारवाला निकायसँग माग गरेको हो ।
कलेज अफ मेडिकल साइन्स चितवन, मणिपाल शिक्षण अस्पताल पोखरा, लगायत अन्य विभिन्न स्वास्थ्य संस्थामा कार्यरत नर्सहरु न्यूनतम सेवा सुविधाका लागि आन्दोलनमा उत्रिएकोले सङ्घले यस्तो माग गरेको हो ।
संघकी अध्यक्ष प्रा चन्द्रकला शर्माले समयमा नै माग पूरा नभएमा नर्सको हकहितको लागि कडा कदम चाल्न संघ बाध्य हुने चेतावनी दिनुभयो ।
मिति २०८१ मङ्सिर २७ गते मन्त्रालयले सबै निजी अस्पताल, प्रतिष्ठान, मेडिकल कलेज, सामुदायिक अस्पताललाई नर्सिङ एवं अन्य स्वास्थ्यकर्मीका पारिश्रमिक लगायतका सुविधाको व्यवस्था गर्न सरकारी सरह न्यूनतम पारिश्रमिक र सेवा सुविधा नघट्ने गरी लागु गर्न परिपत्र गरेको थियो ।
मन्त्रालयले पटक पटक परिपत्र गरे पनि हालसम्म निजी स्वास्थ्य संस्थाले उक्त निर्णय कार्यान्ययन नगरी न्यून पारिश्रमिकमा काम गराउँदै आइरहेका छन् ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)