काठमाडौं,२६ वैशाख । अबदेखि स्वास्थ्य बीमाको नवीकरण गर्न एजेन्ट नचाहिने भएको छ ।
स्वास्थ्य बीमा बोर्डका अनुसार अब अनलाइनबाटै स्वास्थ्य बीमा नविकरण गर्न सकिन्छ ।
नवीकरणका लागि आइपीएस, ई सेवा र खल्ति जस्ता पेमेन्ट वालेट सेवाप्रदायक एप मार्फत समेत गर्न सकिने भएको हो । स्वास्थ्य बीमा बोर्डका कार्यकारी निर्देशक डा. रघुराज काफ्लेले अब अनलाईनबाट स्वास्थ्य बीमा नविकरण गर्न सकिने जानकारी गराउनुभयो । उहाँले नागरिक एपमार्फत लिंक गरेर यसरी अनलाइन नवीकरणको व्यवस्था गरिएको जानकारी दिनुभयो ।
अब मोबाइलबाटै सजिलै नवीकरण गर्न सकिने भए पछि सेवाग्राहीलाई सहजता हुने विश्वास बोर्डले गरेको छ।
अनलाइन नवीकरण विगतमा नै निर्णय भए पनि अभ्यासमा आएको थिएन ।
स्वास्थ्य बीमा बोर्डका सूचना अधिकारी विकेश मल्लले नागरिकले तत्काल अनलाइन सेवाबाट नवीकरण गर्न सक्ने जानकारी दिनुभयो । उहाँले हाल एजेन्टमार्फत मात्र बीमा नवीकरण गरिने व्यवस्था गरिएकोमा अब अनलाईनबाट नविकरण गर्न सकिने बताउनुभयो । एजेन्टले नविकरण गर्दा चाहेको समयमा तत्काल नवीकरण गर्न चाहनेलाई समस्या रहेको छ । यही समस्या हटेर नवीकरण दर वृद्धि हुने अपेक्षा बोर्डले गरेको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)