हेल्दीखबर
हेल्दीखबर
काठमाडौँ, २८ कात्तिक । स्वास्थ्य तथा जनसंख्या मन्त्री भवानीप्रसाद खापुङ १२ वर्ष अघिदेखि मधुमेह रोगबाट पीडित हुनुहुन्छ ।
विश्व मधुमेह दिवसको अवसरमा इपिडिमियोलोजी तथा रोग नियन्त्रण महाशाखाले आयोजना गरेको कार्यक्रममा स्वास्थ्य मन्त्री खापुङले आफू १२ वर्ष अघि देखि मधुमेह रोग पीडित रहेको बताउनुभयो ।
तपाईहरु यहाँ भएकामध्ये कसैलाई मधुमेहको औषधि सेवन गर्नुभएको छ भन्दै कार्यक्रममा मन्त्री खापुङले सोध्नुभएको थियो । कार्यक्रममा उपस्थित कोहीले पनि मधुमेहको औषधि सेवन नगरेको पाइएपछि उहाँले आफू १२ वर्षदेखि औषधि सेवन गरीरहेको जानकारी गराउनुभयो ।
स्वास्थ्य शिविरमा गएर स्वास्थ्य परीक्षण गराउँदा आफूलाई मधुमेह भएको र काठमाडौँ आई चिकित्सकको सल्लाह अनुसार औषधि सेवन गर्न थालेको बताउनुभयो ।
उहाँले मधुमेहका बिरामीलाई सरकारले निःशुल्क औषधिको व्यवस्था गरेको बताउनुभयो ।
स्वास्थ्य मन्त्रालयकी सचिव देवकुमारी गुरागाँइले नसर्ने रोगको प्रकोप बढीरहेको बताउनुभयो ।
नसर्ने रोग तथा मानसिक स्वास्थ्य शाखाका प्रमुख डा.फणिन्द्रप्रसाद बरालले सरकारले दुई किसिमका मधुमेहका औषधि निःशुल्क वितरण गर्दै आएको जानकारी दिनुभयो ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend