काठमाडौँ, ५ जेठ । नेपाल फार्मेसी परिषद्को निमित्त रजिष्ट्रारको जिम्मेवारी उषा तण्डुकारलाई दिइएको छ ।
स्वास्थ्य मन्त्री निशा मेहताले गत शुक्रबार मन्त्रीस्तरीय निर्णय गर्दै अर्को व्यवस्था नभएसम्मका लागि तण्डुकारलाई परिषद्को निमित्त रजिष्ट्रारको जिम्मेवारी तोक्नुभएको हो ।
वरिष्ठ औषधि व्यवस्थापक (दशौँ तह) मा कार्यरत तण्डुकार यसअघि स्वास्थ्य तथा खाद्य स्वच्छता मन्त्रालयअन्तर्गत गुणस्तर मापन तथा नियमन महाशाखामा कार्यरत रहनुभएको थियो ।
यसअघि परिषद्का रजिष्ट्रार सञ्जीवकुमार पाण्डेयले गत २२ वैशाखमा पदबाट राजीनामा दिनुभएको थियो । सरकारले हालै ल्याएको ‘सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३’ पछि नयाँ परिस्थिति सिर्जना भएको उल्लेख गर्दै उहाँले पदबाट अलग हुने निर्णय लिनुभएको बताइएको छ ।
पाण्डेयको राजीनामापछि परिषद्को प्रशासनिक तथा दैनिक कामकारबाही प्रभावित नहोस् भन्ने उद्देश्यले मन्त्रालयले तत्काल निमित्त नेतृत्वको व्यवस्था गरेको हो ।
हाल स्वास्थ्य तथा खाद्य स्वच्छता मन्त्रालयले विभिन्न स्वास्थ्यसम्बन्धी परिषद् तथा काउन्सिलहरूमा निमित्त रजिष्ट्रार नियुक्त गरी नियमित प्रशासनिक तथा सेवा प्रवाहका कामलाई निरन्तरता दिइरहेको जनाएको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)