काठमाडौं, १० वैशाख । नेपाल मेडिकल काउन्सिलले बुटवलको एक स्वास्थ्य क्लिनिकमा गर्भपतन गराउने क्रममा गर्भवती महिलाको मृत्यु भएको घटनाबारे सत्यतथ्य छानबिन गर्न उच्चस्तरीय टोली गठन गरेको छ।
काउन्सिलको व्यावसायिक आचरण तथा स्वास्थ्य समितिको निर्णयअनुसार डा. सम्राट पराजुलीको संयोजकत्वमा विशेषज्ञ टोली खटाइएको हो।
टोलीमा स्त्रीरोग तथा प्रसूति विशेषज्ञ प्रा. डा. पदमराज पन्त, डा. राजेन्द्र बस्याल, डा. अनुप पन्थी, कानुन विज्ञ गोविन्द मरासिनी तथा नागरिक समाजका प्रतिनिधि दिनेश पाण्डे सदस्यका रूपमा सहभागी हुनुहुन्छ ।
उक्त टोलीलाई बुटवलस्थित सम्बन्धित स्वास्थ्य संस्थाहरूमा स्थलगत अनुगमन तथा निरीक्षण गर्ने, घटनाको वास्तविकता पत्ता लगाउने तथा विस्तृत प्रतिवेदन पेश गर्ने जिम्मेवारी दिइएको छ। छानबिन प्रक्रिया स्थानीय जिल्ला प्रशासन कार्यालय र नेपाल प्रहरीसँग समन्वय गर्दै अघि बढाइने काउन्सिलले जनाएको छ।
यस घटनाले स्वास्थ्य सेवाको गुणस्तर, चिकित्सकीय आचरण तथा सुरक्षा मापदण्डप्रति गम्भीर प्रश्न उठाएको छ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)