काठमाडौँ, १२ कात्तिक । नेपाल नर्सिङ परिषद्ले शनिबार लिएको ३७ औँ नर्सिङ नाम दर्ता (लाइसेन्स) परीक्षाको नतिजा निराशाजनक आएको छ। परीक्षामा सहभागीमध्ये ४० प्रतिशत विद्यार्थी मात्र उत्तीर्ण भएका छन् । पीसीएल र बीएस्सी नर्सिङको छुट्टा छुट्टै नतिजालाई जोडेर हेर्दा ४० प्रतिशत उत्तीर्ण भएको पाइएको हो ।

परिषद्का अध्यक्ष सरला केसीले यो पटकको नतिजामा कम परीक्षार्थी मात्र पास भएको जानकारी दिइन् ।  परीक्षामा सहभागी हुनका लागि पीसीएल नर्सिङ तर्फ ९८३ जनाले फारम भरेका थिए । यद्धपी परीक्षाका बेला २८ जनुपस्थित थिए ।

केसीले पीसीएल तर्सिङ तर्फ ९५५ जना परीक्षामा सहभागी भएकोमा ३३१ जना ३४.६९ प्रतिशत उत्तीर्ण भएको बताईन् । यस्तै बीएस्सी तर्फ कुल २९८ जनाले परीक्षाका लागि फारम भरे पनि ४ जना अनुपस्थित थिए ।

बीएस्सीमा कुल २९४ जनाले परीक्षा दिएकोमा १६९ जना ५७.४८ प्रतिशत उत्तीर्ण भएका छन् ।

परीक्षामा सहभागी पीसीएल र बीएस्सीका कुल जोड्दा १ हजार २४९ जना भएका थिए भने उत्तीर्ण संख्या ५०० जना ४० प्रतिशत रहेको छ ।

परिषद्ले परीक्षामा उत्तीर्णहरुलाई २५ कात्तिक देखि प्रमाणपत्र उपलब्ध गराईने जनाएको छ ।

प्रमाणपत्रका लागि त्यसअघि नै अनलाइन (खल्ती) एपबाट १२०० रुपैयाँ भुक्तानी गरी आवेदन गर्न सकिने उल्लेख गरेको छ ।

पुर्नयोगमा जानेहरुका लागि भने ३५ दिन अवधी रहेको समेत उल्लेख गरेको छ ।