स्पार्क हेल्थ होम अस्पताल ३२ औँ वर्षमा प्रवेश

आधुनिक उपचारले ठिक नभएका बिरामीका लागि स्पार्क हेल्थ होम अस्पताल वरदान सावित

हेल्दीखबर

शुक्रबार, फागुन ११ २०८०

हेल्दीखबर

शुक्रबार, फागुन ११ २०८०

आधुनिक उपचारले ठिक नभएका बिरामीका लागि स्पार्क हेल्थ होम अस्पताल वरदान सावित

काठमाडौँ, ११ फागुन । ३२ वर्ष अगाडी एउटा कोठाबाट योगा सिकाउने भन्दै स्थापना भएको स्पार्क हेल्थ होम अस्पताल ३२ औं वर्षमा प्रवेश गरेको छ ।
प्राकृतिक चिकित्सा सम्बन्धि उपचार गर्दै आएको अस्पतालले ३२ वर्ष पार गर्दा अहिले दैनिक १५० जना बिरामी ओपिडीमा आउने गरेका छन् ।
अस्पतालका प्रबन्ध निर्देशक हरिशरण रिजालले अस्पतालमा दैनिक १५० जना बिरामी ओपिडीमा आउने गरेको जानकारी दिदै दैनिक २० जना बिरामीहरु भर्ना हुने गरेको बताए । अस्पतालका निर्देशक रुपेश अधिकारीले प्राकृतिक चिकित्साप्रति बिरामीको आकर्षण बढ्दो रहेको बताए । उनले प्राकृतिक उपचारमा मानिसको विश्वास र भरोसा बढेको भन्दै एलोपेथिक उपचारमा ठिक नभएका बिरामीहरु प्राकृतिक उपचारका लागि आउने गरेको बताए ।
उनीहरु पूर्ण रुपमा ठिक भएर डिस्चार्ज हुने गरेको उनको भनाई छ ।

अस्पतालमा हाडजोर्नीको समस्या, नशा च्यापिएको, प्यारालाइसिस, हड्डी खिइएकोे, डिस्क प्रोल्याप्स, बाथ, यूरिक एसिड लगायतका उपचार हानीरहित विभिन्न थेरापी, मसाज तथा अन्य प्राकृतिक विधिमार्फत गर्ने गरिन्छ ।

अस्पतालले वार्षिकोत्सवको अवसरमा हाडजोर्नी तथा नशा सम्बन्धी निःशुल्क स्वास्थ्य शिविर तथा रक्तदान कार्यक्रमको आयोजना गरेको छ ।
उनले गुणस्तरीय सेवाका कारण बिरामीको विश्वास जित्न सफल भएको दाबी गरे ।

No description available.