कुटपिट गर्नेलाई कडा कारबाही गर्न माग
हेल्दीखबर
हेल्दीखबर
काठमाडौ । वीर अस्पतालमा कार्यरत चिकित्सकहरुले कर्णाली स्वास्थ्य विज्ञान प्रतिष्ठान आकस्मिक विभागमा कार्यरत डा करण शाहमाथि आक्रमण गर्ने अस्पतालमा कार्यरत कर्मचारीलाई कडा कारबाही गर्न माग गरेका छन्।
वीर अस्पतालका चिकित्सकले बुधबार विहान अस्पतालको आकस्मिक कक्ष अगाडी प्लेकार्ड सहित उभिएर विरोध जनाएका हुन् । उनीहरुले प्लेकार्डमा डा करण साहलाई न्याय दिनु माग उल्लेख गरेका थिए।
उनीहरुले डा शाह ड्युटीमा रहेको अवस्थामै हातपात गरिनु अत्यन्त लज्जास्पद घटना भएको भन्दै यस्तो अपराधिक मानसिकता बोकेका व्यक्तिलाई कडा भन्दा कडा कानुनी कारबाही गर्न माग गरेका छन्। शाहमाथि आक्रमण गर्ने व्यक्तिलाई कारबाही गर्न विभिन्न अस्पतालमा कार्यरत चिकित्सकहरुले दबाब दिँदै आएका छन्।
कर्णाली स्वास्थ्य विज्ञान प्रतिष्ठानको शिक्षण अस्पताल जुम्लामा कार्यरत डा साहमाथि भदौ २ गते प्रतिष्ठानकै एकजना कर्मचारी धनबहादुर शाहीले कुटपिट गरेका थिए। उनको टाउको र नाकमा चोट लागेको छ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend