काठमाडौ । गत शनिबार सडक दुर्घटनामा निधन भएकी  स्टाफ नर्स निशा सुब्बा थापाथलीस्थित परोपकार प्रसुती तथा स्त्री रोग अस्पतालमा कार्यरत हुनुहुन्थ्यो । 
पुस तीन गते शनिबार अस्पतालको  पोष्टअप वार्डमा कार्यरत सुब्बा बेलुकीको ड्युटी सकेर घर फर्किदै हुनुहुन्थ्यो । 
 अस्पतालमा ड्युटी सकेर सधै आफै स्कुटर चलाएर घर–अस्पताल आवतजावत  गर्नुहुन्थ्यो । 
तीन पुस शनिबार ड्युटी सकेर घर जान लाग्दा जब पाटनस्थित कृष्ण मन्दिरमा पुग्नुभएको थियो । हो त्यहि कृष्ण मन्दिर छेवैमा नर्स निशा सुब्बा चढेको स्कुटर दुर्घटना हुन पुग्यो ।
दुर्घटना नर्स सुब्बाले गराउनुभएको भने होइन । जब निशाले पाटन कृष्ण मन्दिरबाट इमाडोलतर्फ स्कुटी मोडेर युटर्न गर्न लाग्नुभएको थियो । त्यहि बेला भर्खर सिकारु बाइक चालक स्पिडमा आएर निशा सवार स्कुटीलाई हान्न पुग्यो । त्यहिबेला बेहोस भइसक्नुभएकी नर्स निशा सुब्बालाई तत्काल विएण्डबी हस्पिटलको भेन्टिलेटरमा राखेर उपचार त थालियो तर निशाको स्वास्थ्यमा कुनै सधार आएन । बरु दुर्घटनामा राखिएको एक हप्तापछि शनिबार नै उहाँले यो संसार छाडेर जानुभयो । 
निशाकी फुपु दिदी विमान लिम्बुले  पाटनको कृष्ण मन्दिरमा युटर्न गर्न लाग्दै गर्दा स्पिडमा आएको बाइकले ठोक्काएर मृत्युवरण गर्न पुगेको बताउनुभयो । त्यहिबेला अवस्था गम्भिर भइसकेको थियो,लिम्बुले भन्नुभयो,“केही सुधार हुन्छ कि भनेर विएण्डबी अस्पताल पु¥याएर भेन्टिलेटरमा राखियो तर एकसाता सम्म पनि सुधार हुन सकेन ।” अन्ततः नर्स निशाले दुर्घटना भएकै दिन मृत्यु रोजिन् । मृत्यु पश्चात निशालाई पाटन अस्पतालमा पोष्टमार्टम गरेर पशुपति आर्यघाटमा अन्यष्टि गरियो । 
स्थायी घर झापा भद्रपुर रहेकी  सुब्बा विगत ८ वर्षदेखि थापाथलीस्थित परोपकार,प्रसुती तथा स्त्रीरोग अस्पतालमा कार्यरत हुनुहुन्थ्यो ।