सुनसरी, १ माघ । सुनसरीमा ट्रक दुर्घटना हुँदा ५ जनाको घटनास्थलमै मृत्यु भएको छ।
हुलाकी राजमार्गबाट बिहीबार बिहान साढे ५ बजे विराटनगरबाट राजविराजतर्फ जाँदै गरेको को १ ख ४५४१ नम्बरको ट्रक पल्टिँदा ५ जनाको मृत्यु भएको हो।
उक्त ट्रक भोक्राहा नरसिंह गाउँपालिका ८ मा अनियन्त्रित भई पल्टिएको हो । जिल्ला प्रहरी कार्यालय सुनसरीका डिएसपी चन्द्र खड्काले मत्यु हुनेमा ३२ वर्षीय धीरेन्द्र गुरुङ, ५५ वर्षीय बर्मदेव गुरुङ, ५० वर्षीय टंक गुरुङ, २८ वर्षीय निसु गुरुङ र ५५ वर्षीय चन्द्र गुरूङ रहेको जानकारी गराउनुभयो ।
प्रहरीका अनुसार ट्रकमा लोड गरिएको मार्बलले किचिएर मार्बल माथि बसेका पाँच जना कामदारको घटनास्थलमै ज्यान गएको हो।
उनीहरू सबै सुनसरीको बर्जु गाउँपालिका वडानम्बर १ का बासिन्दा हुन्। उक्त ट्रकमा चालकसहित ९ जना सवार थिए।
मार्बल बोकेको ट्रकमा पछाडि ५ जना र अगाडि चालकसहित ४ जना सवार थिए। ट्रक पल्टिँदा पछाडि सवार ५ जनाको मृत्यु भएको हो ।
ट्रकको अगाडि बस्ने तीन जनाको विराटनगरस्थित विराट नर्सिङ होममा उपचार भइरहेको छ। उनीहरूको अवस्था सामान्य छ । ट्रक चालक चालक फरार रहेका छन्। चालकलाई खोज्ने काम भइरहेको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)