काठमाडौँ, ११ भदौ । काठमाडौँ महानगरपालिकाले ‘मुस्ताङ गोल्ड’ नामक मदिरामा अखाद्य पदार्थ भेटिएपछि धनुषा डिस्टिलरी प्रालिलाई दुई लाख रुपियाँ जरिवाना गरेको छ ।
सिलबन्दी अवस्थामा बिक्री भइरहेको मदिरामा झिँगाजस्तो वस्तु फेला परेपछि उपभोक्ताले महानगर प्रहरीमा उजुरी दिएका थिए ।
महानगरको कृषि तथा पशुपक्षी विभागका अनुसार जरिवाना रकम काठमाडौँ महानगरपालिकाको राजस्व खातामा जम्मा गरिसकेपछि सोको जानकारी विभागमा पेस गर्नुपर्नेछ ।
नमुना सङ्कलन गरी परीक्षण गर्दा बोतलभित्र अखाद्य तत्त्व भेटिएको पुष्टि भएपछि जरिवाना गरिएको हो ।
महानगरको बजार व्यवस्थापन तथा अनुगमन ऐन, २०७५ अनुसार यसलाई अनुचित व्यापारिक गतिविधि मानिएको छ ।
काठमाडौँ महानगरपालिकाले बजारमा बिक्री हुने खाद्य तथा पेय पदार्थको गुणस्तर सुनिश्चित गर्न नियमित अनुगमन र कडा कारबाहीको नीति अवलम्बन गरेको जनाएको छ ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)