काठमाडौँ, १५ साउन । निजामती कर्मचारी अस्पतालका कार्यकारी निर्देशक प्रा. डा. मोहन चन्द्र रेग्मी र संघीय मामिला तथा सामान्य प्रशासन मन्त्रालयका सचिव रविलाल पन्थबीच कार्य सम्पादन करार सम्झौता भएको छ।
सो सम्झौता अनुसार कार्यकारी निर्देशक प्राडा रेग्मीले चालु आर्थिक वर्ष २०८२/०८३ मा अस्पतालको सेवा प्रवाहमा सुधार ल्याउनुपर्ने छ।
सम्झौता अनुसार अस्पतालको सुशासन प्रवर्द्धन, वित्तीय पारदर्शिता, दक्ष जनशक्तिको परिचालन, स्वास्थ्य सेवामा प्रविधिको प्रयोग तथा अस्पताल व्यवस्थापनमा प्रभावकारिता देखाउनुपर्ने छ ।
उक्त सम्झौता कार्यसम्पादन मुल्यांकन प्रणालीलाई संस्थागत गर्दै सार्वजनिक संस्थाका नेतृत्वदायी पदमा रहेकाहरूको उत्तरदायित्व सुनिश्चित गर्ने उद्देश्यका साथ गरिएको हो ।
सम्झौता पश्चात् सचिव पन्थले अस्पतालको स्वास्थ्य सेवा तथा गुणस्तर बढाउन गरिएको बताउनुभयो ।
उहाँले नागरिकमैत्री सेवा प्रवाह गर्न कार्यसम्पादनमा पारदर्शिता र उत्तरदायित्व कायम राख्नुपर्ने बताउनुभयो ।
कार्यकारी निर्देशक रेग्मीले कार्यसम्पादन सम्झौता अनुसार अस्पतालको विकासको लागि आफू दत्तचित्त भएर लाग्ने बताउनुभयो ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)