काठमाडौँ, २४ असार । बागमती प्रदेशका स्वास्थ्य मन्त्री रामेश्वर श्रेष्ठले पदबाट राजिनामा दिएका छन् ।
उनी सहितका एमालेका सबै मन्त्रीहरु सरकारबाट बाहिरिएका छन् । सोमबार स्वास्थ्यमन्त्री श्रेष्ठसहित एमालेका पाँच जना मन्त्रीले मुख्यमन्त्री शालिकराम जमरकट्टेलसमक्ष रानीनामा बुझाएका हुन् । २० चैत्रमा श्रेष्ठ स्वास्थ्यमन्त्री बनेका थिए ।
उनले ४ महिनामै स्वास्थ्यमन्त्रीबाट राजीनामा दिएका हुन् । नेकपा एमाले र नेपाली कांग्रेसबीच सत्ता गठबन्धन निर्माण गर्ने सहमति संघमा बनेसँगै प्रदेश सरकारमा पनि त्यसको असर पर्न थालेको हो ।
एमाले समर्थित अन्य मन्त्रीहरुले पनि राजिनामा दिएका छन् ।
यसरी राजीनामा दिनेहरुमा आर्थिक मामिला मन्त्री जगन्नाथ थपलिया, उघोग, वाणिज्य भूमि तथा प्रशासन मन्त्री प्रकाश श्रेष्ठ , वन तथा वातावरण मन्त्री केशव पोखरेल र जलश्रोत, उर्जा तथा खानेपानी मन्त्री एकालाल श्रेष्ठ रहेका छन् ।
एमालेका मन्त्रीहरुले राजिनामा बुझाएपछि माओवादी केन्द्र नेतृत्वको बागमती प्रदेश सरकार अल्पमतमा परेको छ । सरकार अल्पमतमा परेपछि मुख्यमन्त्री शालिकराम जम्कट्टेलले प्रदेशसभाबाट विश्वासको मत लिने बताएका छन् ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)