काठमाडौँ  । काठमाडौँ उपत्यकामा पुनः फोहोर थुप्रिएको छ । दुई हप्तादेखि फोहोर उठ्न रोकिएपछि सिङ्गै उपत्यका कुरूप देखिनुका साथै महानगर दुर्गन्धित बनेको छ । यसले गर्दा स्वास्थ्यमा समेत गम्भीर असर पर्ने चेतावनी विज्ञहरुले दिएका छन् । दुई हप्ताअघि सुरक्षाकर्मी तैनाथ गरेर बन्चरेडाँडामा फोहोर व्यवस्थापन गर्न सुरु गरिए पनि स्थानीयवासीको अवरोधका कारण अहिले फोहोर व्यवस्थापन रोकिएको छ ।  
वरिष्ठ सरुवा रोग विशेषज्ञ डा.शेरबहादुर पुनले फोहोरको फोहोरको डंगुरबाट ढल,पानीको पाइप,मलमुत्र हुँदै मानिसको भान्षासम्म किटाणु पुगेको अवस्थामा हैजा फैलनसक्ने भएकोले काठमाडौंमा रहेको फोहोरलाई सरकारले गम्भीर ढंगले व्यवस्थापनमा लाग्नुपर्ने बताउनुभयो । उहाँले फोहोरमा भएको किटाणु मानिसमा सरेपछि मानिसबाट अन्य मानिसमा सर्न समय नलाग्ने भन्दै सरुवा रोगको प्रकोपको अवस्था नआउनलाई सतर्कता अपनाउनुपर्नेमा जोड दिनुभयो । उहाँले भाइरस या किटाणु बिभिन्न माध्यमबाट मानिसको शरिरमा प्रवेश गरेमा सरुवा  रोग लाग्ने भन्दै उहाँले फोहोरमा भएका जिवाणुले सरुवा रोगलाई बढवा दिने बताउनुभयो । दुषित खाना या पानीबाट मानिसमा सरुवा रोग लाग्ने भन्दै उहाँले हेपाटाइटिस  ए र इ भाइरस जुन दुषित खाना र पानीमा बस्ने र ती जिवाणु शरिरमा प्रवेश गरेमा पनि हेपाटाइटिस सार्ने सम्भावना रहने बताउनुभयो ।