काठमाडौं, ६ पुस । महिला स्वास्थ्य ‘इन्टर हस्पिटल फुटसल च्याम्पियनसिप २०२४’ को उपाधि नर्भिक इन्टरनेशनल अस्पतालले जितेको छ । शनिबार भएको फाईनल खेलमा ओम समाज डेन्टल हस्पिटललाई पराजित गर्दै नर्भिक अस्पताल च्याम्पियन बनेको हो ।
नर्भिक इन्टरनेशनल अस्पतालले एभरेष्ट अस्पताललाई र ओम समाज डेन्टल हस्पिटलले ओभरसीज फ्रेन्डसिप इन्टरनेशनल अस्पताललाई पराजित गर्दै उपाधि भिडन्त पक्का गरेका थिए । उपाधि सहित नर्भिक इन्टरनेशनल अस्पतालले ३० हजार रुपैयाँ प्राप्त गर्यो । उपविजेता ओम समाज डेन्टल हस्पिटलले २० हजार रुपैयाँमा चित्त बुझायो ।
‘खेल खेलौ र स्वास्थ्य बनौ’ भन्ने नाराका साथ सञ्चालन गरिएको प्रतियोगितामा काठमाडौं उपत्यकाका २१ हस्पिटलले प्रतिस्पर्धा गरेका थिए । लिग कम नकआउटका आधारमा सञ्चालन गरिएको प्रतियोगिता दुई दिनसम्म चलेको थियो ।
फुटसल सम्पन्न गराउनका लागि मुख्य प्रायोजकमा यतिकेम ग्रुप छ भने प्रायोजक नेपाल औषधि उत्पादक संघ, नेपाल आयल निगम रहेको छ । हस्पिटल पार्टनरमा इशान बाल तथा महिला अस्पाताल ,बैकिङ पार्टनरमा एनएमबी बैंक तथा मेडिकल पार्टनरमा एभरेष्ट हस्पिटल रहेको छ ।
त्यसैगरि कार्यक्रमलाई नेपाल टेलिकम, लेजर थेरापी क्लिनिक, वात्सल्य आईभीएफ र मेटेनिटी पसलले सपोर्ट गरेका छन् ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend
.png)