हेल्दीखबर
हेल्दीखबर
ओखलढुङ्गा, ११ असार । सिद्धिचरण नगरपालिकाका सम्पूर्ण बालबालिकाहरुले पुर्ण खोप लगाएका छन् ।
नगरपालिकाको १२ वटा वडाका जन्मेदखि २३ महिनासम्मका ६५६ बालबालिकाले सम्पूर्ण खोप लगाएको सुनिश्चित भएसँगै नगरपालिकालाई पूर्ण खोप दिगोपना सुनिश्चितता नगरका रुपमा घोषणा गरिएको हो ।
यसका साथै जन्मेदेखी १५ महिनासम्मका चार सय १५ बालबालिकाले स्वास्थ्य संस्थाहरुमार्फत हाल नियमित खोप लगाई रहेको राईको भनाइ छ ।
नगरको १२ औं नगरसभामा नगर प्रमुख तेजेन्द्र खनालले सिद्धिचरण नगरपालिकालाई पूर्णखोप दिगोपना सुनिश्चितता भएको घोषणा गर्नुभएको हो । १६ देखी २३ महिनासम्मका दुई सय ४१ बालबालिकाले सम्पूर्ण खोप लगाईसकेको स्वास्थ्य शाखाका जनस्वास्थ्य निरिक्षक आईतबहादुर राईले बताउनुभयो ।
प्रमुख प्रशासकिय अधिकृत बलराम लम्सालले नगरपालिकाको १२ वटै वडामा स्वास्थ्यकर्मी साथै वडा समितिमार्फत खोप लगाउने उमेरका बालबालिकाले सम्पूर्ण खोप लगाएको सुनिश्चित भएपछि नगरपालिकालाई पूर्ण खोप दिगोपना सुनिश्चितता घोषणाका लागि मेयर समक्ष प्रस्ताव लगिएको बताउनुभयो ।
प्रमुख प्रशासकिय अधिकृत लम्सालले राख्नुभएको प्रस्तावको आधारमा नगरप्रमुख खनालले सिद्धिचरण नगरपालिकालाई पूर्ण खोप दिगोपना सुनिश्चितता भएको घोषणा गर्नुभएको हो ।
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
संचार रजिस्ट्रार कार्यालय दर्ता नम्बरः 00116
सम्पादक : भावना भट्टराई
भक्तपुर , सूर्यविनायक २
healthykhabar@gmail.com
सम्पर्क नम्बरः ९८४९१५१३१३
© 2026 All right reserved to Healthykhabar.com | Site By : SobizTrend